为换iPhone 6s 做好準备　学好「洗机 4 式」为换i

睇睇日曆，数数手指，又到左苹果收成嘅季节，各位果农準备好未呢？喺 iCloud 的年代，洗机唔係咁简单，唔似以前咁两三下就洗，想澈底洗晒所有野，唔想 Trade-in 时 Trade 埋自己啲个人资料俾对方，以下《洗机 4 式》你要知。

1．清除所有内容及设定
呢个 Step 相信个个都知，但长气啲都要讲多次。重设位于「设定」入面的「一般」，「睩」到落底就会见到「重设」，记住选择「清除所有内容及设定」。电话会要求你输入密码（如果你电话有 set 密码），电话会再要求你输入 iCloud 帐号的密码，输入完电话就会开始重设，见到 Hello 字眼就代表完成，Apple 已帮你清理晒电话入面嘅所有资料，包括信用卡资料，指纹锁及 iCloud 设定。

2．iCloud vs iTunes in the Cloud
做完 Step 1，只係清左电话入面嘅资料，但係 iCloud 及 iTunes in the Cloud 入面仍然有呢部电话嘅资料，要用电脑先可以清除。其实两个 Cloud 都係 Apple 的，只係储存的资料有所不同：iCloud 储存你 email，backup 及 同步资料；iTunes in the Cloud 则储存你喺 iTunes 下载过的所有资料，方便你随时拎番出黎。

iCloud 的清除方法是在「系统偏好设定」入面，点选「帐号详细资料」的「装置」，选择想从 iCloud 帐号移除的装置再按「从帐号移除」。

至于 iTunes in the Cloud 则要在 iTunes 中移除。先开啓 iTunes，在「帐户资讯」中的 云端 iTunes （iTunes in the Cloud）点按管理装置，就可以移除装置连结。

3．管理受信任装置（Trusted Devices）
若果你已设定了双步骤验证，就要做多个步骤。先上 AppleID.apple.com 登入自己帐号，按「管理受信任装置」，从列表中移除该装置即可。

4．移除 SIM 卡
做完以上 3 个步骤，可以鬆一口气。但千万唔好咁傻猪漏左最后一个步骤，移除 SIM 卡。当你咁辛苦做晒以上 3 个 Steps 之后先发现冇左张 SIM 卡，真係会喊出黎架。

睇完以上「洗机 4 式」，係咪準备好换 iPhone 6s 呢？虽然部机都仲未出，不过都先祝大家抽机好运，Bookmark 定备用啦。

来源：9to5Mac